VARADINUM vulgo WARADIN, WARDEIN et VARADIN

VARADINUM, vulgo WARADIN, WARDEIN, et VARADIN

urbs Iazygum Metanastarum, in Hungaria Transdanubiana, apud Transylvaniae confinia, Episcopalis sub Archiepiscopo Colocensi, inter Soinocum ad Occasum et Albam Iuliam ad Ortum supra 12. leuc. inter Budam et Temesvariam, inde ad 80. hinc ad 60. mill. pass. totidem a Cibinio urbe Transylvaniae, Ferrar. Baudrando Varadinum, vulgo Varadin, Germanis Gros-Wardein, urbs est permunita Transylvaniae, in limite Hungariae, ad Sebeskerez fluvium, sub dominio Turcarum, A. C. 1660. qui eam, sub Selymo Imperatore ob violatum legatum, iam quoque expugnaverant A. C. 1521. Ludovicô Rege mox ad Mugatium victô et occisô, Thuan. Hist. l. 1. Varadiensis Episcopus A. C. 1508. decretô extortô Fratres proscribi curavit, sed paulo post misere periit. Laetus Comp. Hist. Univ.

Distat 22. mill. pass. a Iulia in Boream, 90. ab Alba Iulia in Occasum, Budam versus 10. longius Cibinio.